მიმდინარეობს გვერდის განახლება
მრავლობითი აქტივობები და საკვანძო სათავგადასავლო კომპეტენციები
სპელეოტურიზმის საფუძვლები
სპეოლეოლოგია შეისწავლის ბუნებრივად წარმოშობილ მღვიმეებსა და ხელოვნურ გამოქვაბულებს. ადგენს მღვიმეების წარმოშობას, ასაკს, ევოლუციას, სტრუქტურას, მორფოლოგიასა და ეკოსისტემებს. ჩვენს საზაფხულო სკოლაში თქვენ ეწვევით ბუნებრივ მღვიმეებსა და გამოქვაბულებს და გაეცნობით სპელეოლოგიის საფუძვლებს.
კანიონინგის საფუძვლები
კანიონინგის გამყოლობა, გარდა ჩინებული ფიზიკური მომზადებისა და თოკებთან უზადოდ მუშაობის გამოცდილებისა, მდინარეში სიარულის, ცურვის, ჩანჩქერებთან გამკლავებისა და სხვა მრავალ გამორჩეულ უნარს მოითხოვს. ჩვენი პროგრამა/კანიონინგის კლასი გთავაზობთ დამწყები პირებისთვის სპეციალურად ორგანიზებულ სწავლებას. მილიონობით წლის განმავლობაში მდინარეების ზემოქმედების შედეგად შექმნილ ღრმა და ვიწრო ხეობებში, პირველად მოირგებთ სპეციალურ აღჭურვილობას და გაეცნობით კიდევ ერთი უნიკალური და ამაღელვებელი სათავგადასავლო აქტივობის - კანიონინგის საფუძვლებს.
კანიონინგის კლასი შედგება 5 მსმენელისგან და 2 ინსტრუქტორისგან. მაქსიმალური უსაფრთხოების უზრუნველყოფისთვის, სკოლის ადმინისტრაცია და ინსტრუქტორები, კლიმატური პირობებიდან გამომდინარე, უშუალოდ კანიონინგის კლასის დაწყებამდე მიიღებენ გადაწყვეტილებას სწავლების ჩატარებაზე. როგორც ყველა სხვა აქტივობის განმავლობაში, განსაკუთრებით კი კანიონინგის კლასში დისციპლინა და ინსტრუქტორის მითითებების ზუსტად შესრულება აუცილებელია! თოკზე დაშვების ცოდნა განსაკუთრებით მნიშვნელოვანია, ამიტომ კანიონინგის კლასი ჩატარდება კვანძებისა და თოკთან მუშაობის სწავლების შემდგომ ეტაპზე.
მდინარის კვეთა
საფეხმავლო მარშრუტებზე ხშირად გვხვდება მდინარის კვეთის აუცილებლობა. ამ სიტუაციაში აუცილებელია უსაფრთხო ადგილის შერჩევა. მდინარის გადასალახად უსაფრთხო ადგილის შერჩევისას თქვენ უნდა გაითვალისწინოთ: წყლის სიღრმე, დინების სიჩქარე და მდინარეში შესვლისა და გამოსვლის უსაფრთხო პუნქტები. მომავალ გამყოლთა საზაფხულო სკოლაში თქვენ ისწავლით მდინარის კვეთის საფუძვლებსა და მეთოდიკას.
საფეხმავლო ტურები
სათავგადასავლო ტურიზმის ინდუსტრია და გამყოლთა საჭიროება; საბაზისო სალაშქრო ტექნიკური უნარები და შესაბამისი აღჭურვილობის შერჩევა; კლიმატი და მისი გავლენა სათავგადასავლო ტურში მყოფ ადამიანებზე; გარემოზე ზრუნვა და სხვ. ეს ის საკითხებია, რომელთა სიღრმისეულად შესწავლისა და პრაქტიკაში გამოცდის შესაძლებლობა საფეხმავლო აქტივობის დროს მოგეცემათ.
ველოტურიზმის საფუძვლები
ველოტურიზმი ერთ-ერთი ყველაზე მზარდი დისციპლინაა სათავგადასავლო ტურიზმში. ჩვენთან თქვენ ისწავლით ველოტურიზმის საფუძვლებს, ველოსიპედის მართვას, შეკეთებასა და უსაფრთხო და კომფორტული ტურის დაგეგმვას.
კლდეზე ცოცვა
სხვადასხვა სირთულის კლდოვანი მარშრუტების უსაფრთხოდ დაძლევა, კლდეზე ცოცვის, ალპური და სამთო გამყოლის მთავარი მოთხოვნაა, რაც რამდენიმე წლის ინტენსიური, თანმიმდევრული ვარჯიშით მიიღწევა.
კლდეზე ცოცვის კლასში თქვენ ისწავლით ცოცვის საბაზისო უნარებს: ხელებისა და ფეხების სწორად გამოყენებას და სხეულის პოზიციონირებას; ძალების შენარჩუნების მნიშვნელობას უკან დასაბრუნებლად; ფეხების წონის სხეულზე სწორად განაწილებას, ხელების ზედმეტად დაძაბვის არიდების მიზნით; კუნთების მომზადებას ცოცვისთვის; კლდეზე დასვენებას ცოცვისთვის ძალების აღდგენის მიზნით.
კლდეზე ცოცვის კლასი ტარდება სპეციალურად დამუშავებულ (შესაძლო ცოცხალი ქვებისგან გაწმენდილ) უსაფრთხო კლდოვან მონაკვეთებზე, ინსტრუქტორის მიერ ზედა დაცვის უზრუნველყოფით. კლასის ყველა მონაწილე აღჭურვილია უსაფრთხოების სტანდარტების შესაბამისი დამცავი ქამრებითა და ჩაფხუტებით. ცოცვის კლასს ატარებს სერტიფიცირებული გამყოლი, რომელსაც დამატებით აქვს გავლილი კლდეზე ცოცვისა და დაცვის უზრუნველყოფის სწავლება.
თოკი და კვანძები
სამთო გამყოლთა და სამაშველო საქმიანობაში თოკს უმნიშვნელოვანესი ადგილი უჭირავს, როგორც მიზნის მიღწევის, ასევე სახლში მშვიდობიანად დაბრუნებისთვის. არ მოიძებნება სათავგადასავლო აქტივობის მიმართულება, სადაც არ გამოგადგებათ კვანძების შეკვრისა და თოკის სხვადასხვა მიზნებისთვის გამოყენების ცოდნა - მაგ. კარვის გასაჭიმად, დროებითი თავშესაფრის ორგანიზებისთვის, საკვების შესანახად. კვანძებისა და თოკების სრულფასოვნად გამოყენების გარეშე, წარმოუდგენელია კლდეზე ცოცვის, ალპური, სამთო, სათხილამურო, კანიონინგის, სპელეოტურიზმის გამყოლის პროფესიები, რომ არაფერი ვთქვათ სამაშველო ოპერაციების ჩატარებაზე.
სულ რამდენიმე ძირითადი კვანძის ცოდნაა საკმარისი. თუმცა, გარდა სავალდებულო კვანძებისა, რომელსაც პროგრამის განმავლობაში შეისწავლით, ჩვენი ინსტრუქტორები გაგიზიარებენ სხვა მრავალი კვანძის შეკვრის ტექნიკას.
თოკთან მუშაობა უკიდურეს ყურადღებას მოითხოვს. სწავლება დაიწყება თოკის სახეობების, მათი აკეცვის, გაშლისა და შემოწმების მეთოდების გაცნობით; თოკებთან ერთად შეისწავლით უსაფრთხოების, დაცვისა და დაზღვევის სისტემებს - დამცავ ქამარს, კარაბინებს, მათი მეშვეობით უსაფრთხოდ დაშვებას დამაგრებულ თოკზე და ა.შ. თოკების კლასში 5 მსმენელი და 2 ინსტრუქტორია. კლასი ტარდება სიმულაციურ გარემოში - საშუალო დახრის უსაფრთხო ბალახიან ფერდობებზე.
ბანაკის დასასრულს კი, შესაძლებლობა გექნებათ მონაწილეობა მიიღოთ სპეციალური კვანძების კონკურსში.
ღამისთევის ორგანიზება
უსაფრთხო და კომფორტული ადგილის შერჩევა ერთ-ერთი ყველაზე მნიშვნელოვანი ელემენტია ყველა ტიპის ტურსა თუ მარშრუტზე. მომავალ გამყოლთა საზაფხულო სკოლაში თქვენ ისწავლით საველე პირობებში ღამისთევის ორგანიზების საფუძვლებსა და მეთოდიკას.
ნავიგაცია
ნავიგაცია ჩვენი საზაფხულო სკოლის ერთ-ერთი ყველაზე მნიშვნელოვანი ელემენტია. საზაფხულო სკოლაში თქვენ ისწავლით: რუკის კითხვას, კომპასის გამოყენებასა და საველე პირობებში უსაფრთხო მარშრუტის შედგენას.
რას
მოგცემს
საზაფხულო
სკოლა?
პირველი სამუშაო
სკოლის გავლის შემდეგ შენ გექნება ცოდნა და უფლება იმუშავო სერტიფიცირებული გამყოლის ასისტენტად მარკირებულ ერთდღიან სალაშქრო ბილიკებზე.
პროფესიული განვითარების ხედვა
სკოლის ექსპერტები შენი ინტერესების, პრიორიტეტებისა და ტექნიკური უნარების შესაბამისად დაგეხმარებიან დაისახო სათავგადასავლო ტურიზმის სფეროში შემდგომი პროფესიული განვითარების გეგმა.
პიროვნული გაძლიერება
გამყოლთა სკოლა გაჩვენებს და გასწავლის ლიდერობისა და გუნდში მუშაობის, შრომისუნარიანობისა და სირთულეების დაძლევის, გადაწყვეტილების მიღებისა და მიზნის მიღწევის უნარებს.
პროგრამის მართვა და კონცეფცია
როგორ იმართება საზაფხულო სკოლა?
ჩვენი სტრუქტურირებული პროგრამა უზრუნველყოფს, რომ თითოეულმა მონაწილემ შეიძინოს პროფესიული უნარები, გაიზარდოს პიროვნულად და დაეუფლოს სათავგადასავლო ტურიზმის საბაზისო კომპეტენციებს.
საზაფხულო ბანაკების ფარგლებში შენ შეიძენ ისეთ არსებით კომპეტენციებს როგორიცაა: რისკების მართვა, საველე პირობებში ღამისთვისა და კვების ორგანიზება, უსაფრთხოებაზე ზრუნვა, სტუმარზე ზრუნვა, პუნქტუალურობა, გუნდური მუშაობა და რესურსების მართვა.
ჩვენი საზაფხულო სკოლის გავლის შემდეგ, უკვე სექტემბრიდან, შენ შეძლებ სწავლის პარალელურად ეკონომიკური სარგებლის მიღებას საკუთარი შრომით, შენთვის ყველაზე მიმზიდველ სათვგადასავლო დისციპლინაში.
ჩვენი გუნდი
გაეცანი სათავგადასავლო ტურიზმის სკოლის სერტიფიცირებულ გამყოლებს და "მომავალ გამყოლთა სკოლის" ლიდერებს.
საზაფხულო სკოლის მისია და ღირებულებები
- ჩვენ არ ვტოვებთ კვალს ბუნებაზე
- ჩვენ გვაინტერესებს, შევისწავლით და
პატივს ვცემთ ადგილობრივადათ-წესებს
- ჩვენ ვართ პროფესიონალი გამყოლები და
ვზრდით პროფესიონალ გამყოლებს
წირქვალი
იმერეთი
ჭიათურის მუნიციპალიტეტი
ზღვის დონიდან 720 მ-ზე მდებარე საბანაკე ტერიტორია.
- შემოღობილი საბანაკე ტერიტორია;
- საფეხმავლო ბილიკები;
- მღვიმეები;
- კანიონინგი;
სოფელი ჭიათურის მინიციპალიტეტში,მდებარეობს ჭიათურის პლატოზე,ქალაქის ცენტრიდან 7კმ-ში. სოფელ წირქვალში მდინარე ბოგირის წყლის ხეობაში მდებარეობს "ბონდის მღვიმე",რომელიც წარმოადგენს მსოფლიო მნიშვნელობის ქვის ხანის ძეგლს,აქ აღმოჩენილია უძველესი 35 000 წლის სელის და ნართავი(ჯიხვის ბეწვის) ძაფი.ასევე სხვა მნიშვნელოვანი არტეფაქტები. ამავე ხეობაში არის უამრავი წისქვილი,რომლის რაოდენობა 50-ს აღწევდა,ამჯერად ნახევარია შემორჩენილი. სოფელი გვიან შუა საუკუნეებში წარმოადგენდა იმერეთის მეფის საზაფხულო რეზიდენციას.სოფლის განაპირას ციხისწყლის ხეობაში მდებარეობდა წირქვალის ანუ ტურის ციხე. რაც შეეხება სხვა გეოგრაფიულ მახასიათებლებს,სოფელი საშუალოდ მთაგორიანია,აქვს ძალიან მნიშვნელოვანი სტრატეგიული მდებარეობა საფეხმავლო და საცხენოსნო ტურებისთვის,საწალიკის მთამდე, რომელიც ზემო იმერეთი-რაჭის გამყოფი ქედია. საფეხმავლო ბილიკი მხოლოდ 17 კილომეტრია. გზად გაივლით ულამაზეს პანორამულ ხედებს,"მიწაძიგძიგას ტბას" და "ქვაყუნტიას" მოქანავე ლოდს, რომლის მსგავსი საქართველოში მხოლოდ ორია დაფიქსირებული.ასევე შესაძლებელია წრიული მარშრუტის გავლა,საწალიკიდან კიბიას ბილიკის გავლით,რომელიც ზედა ჭალოვანში ეშვება.
მასპინძელი
ვალერი ჭიტაძე
კეთილი იყოს თქვენი მობრძანება წირქვალის საზაფხულო ბანაკში.