თხილამურებით სრიალის
მასწავლებელი
I საფეხური

თხილამურებით სრიალის მასწავლებელი
I საფეხური

პროფესიული გადამზადების პროგრამა

კურსზე მსმენელთა რაოდენობა:

48 მსმენელი

კურსის ჩატარების პერიოდი:

15 დეკემბერი - 30 იანვარი

(გთხოვთ ოფიციალური რეგისტრაცია გაიაროთ EMIS-ის ბაზაში)

ლინკი: https://vet.emis.ge/#/

ხანგრძლივობა:

პროგრამა ხორციელდება 1 თვის განმავლობაში. საერთო ხანგრძლივობა - 2 კვირა (80 სთ)

ლოკაციები:

მესტია, ბაკურიანი, გოდერძი.

განმახორციელებელი პარტნიორები:

შპს ემ თი ეი

პროგრამის ღირებულება:

სწავლების საფასური თანადაფინანსებულია სახელმწიფოს მიერ. კურსზე ჩარიცხული მსმენელი ვალდებული იქნება გადაიხადოს 1000 ლარი. ასევე დაფაროს საკუთარი ტრანსპორტირების, ცხოვრების და კვების ხარჯი; იქონიოს პირადი აღჭურვილობა.

პროგრამის შესახებ

პროგრამა გათვალისწინებულია პრაქტიკოსი თხილამურებით სრიალის მასწავლებლებისთვის რომლებსაც აქვთ სურვილი განავითარონ სწავლების მეთოდოლოგია და გახდნენ პროფესიონალი თხილამურებით სრიალის ინსტრუქტორები. სწავლება ხორციელდება ზამთრის კურორტების (მესტია, ბაკურიანი, გოდერძი) სათხილამურო ტრასებზე. პროგრამით გათვალისწინებული თეორიული ნაწილიც ისწავლება საველე პირობებში ინსტრუქტაჟის გზით, რომელიც ასევე, შესაძლებელია განხორციელდეს ონლაინ, ელექტრონული სწავლების ფორმით. პროგრამა ითვალისწინებს თხილამურებით სრიალის მასწავლებლისთვის ისეთი აუცილებელი კომპეტენციების შესწავლას, როგორიცაა: პირველადი გადაუდებელი სამედიცინო დახმარება; თხილამურებით სრიალის სწავლებისას ტურისტზე ზრუნვა; თხილამურებით სრიალის სწავლების ინდივიდუალური და ჯგუფური გეგმების შედგენა „მწვანე“ კატეგორიის სათხილამურო გზებზე; თხილამურებით სრიალის სწავლება „მწვანე“ კატეგორიის სათხილამურო გზებზე; თხილამურებით სრიალი „ლურჯი“ კატეგორიის სათხილამურო გზებზე.

პროგრამის ხანგრძლივობა შეადგენს 2 კვირას, 80 საათის მოცულობით.

პროგრამის თემატურ საკითხებს გაუძღვებიან შესაბამისი პროფილის პედაგოგები და ექსპერტები.

პროგრამის დამთავრების შემდეგ, კურსდამდავრებული შეძლებს საერთაშორისო სტანდარტების შესაბამისად "მწვანე" კატეგორიის სათხილამურო ტრასებზე თხილამურებით სრიალის სწავლებას, სასწავლო პროცესის დაგეგმვას, ტურისტზე ზრუნვის, კომფორტის და უსაფრთხოების უზრუნველყოფას.

კურსდამთავრებული შეიძლება დასაქმდეს საქართველოს ნებისმიერ სათხილამურო კურორტზე, სათხილამურო სკოლაში, ტურისტულ კომპანიაში.

თხილამურებით სრიალის 1 საფეხურის სტატუსის მქონე მასწავლებლის საქმიანობა ნებადართულია მხოლოდ „მწვანე“ კატეგორიის სათხილამურო ტრასებზე.

#გახდითხილამურისინსტრუქტორი

სწავლის შედეგები და თემატიკა

სწავლის შედეგი 1

პირველადი გადაუდებელი დახმარება

სწავლის შედეგი 2

თხილამურებით სრიალის სწავლებისას ტურისტზე ზრუნვა

სწავლის შედეგი 3

თხილამურებით სრიალის სწავლების ინდივიდუალური და ჯგუფური გეგმების შედგენა „მწვანე“ კატეგორიის სათხილამურო გზებზე

სწავლის შედეგი 4
თხილამურებით სრიალის სწავლება „მწვანე“ კატეგორიის სათხილამურო გზებზე

სწავლის შედეგი 5
თხილამურებით სრიალი „ლურჯი“ კატეგორიის სათხილამურო გზებზე

კვირა:

ლოკაცია:

ქუთაისი

სწავლების მეთოდი:

პრაქტიკული მეცადინეობა, დემონსტრირება, ინსტრუქტაჟი

თემატიკა:

პირველადი დახმარების მნიშვნელობა და პოზიციები; გულის გაჩერება და გულ-ფილტვის რეანიმაცია; სასუნთქი გზების უცხო სხეულით დახშობა; სისხლდენის შეჩერება; გადაუდებელი ტრავმის საბაზისო მართვა და ნახვევების დადება; ჭრილობების, დამწვრობის, მართვა; სითბური დაკვრის, მოყინვის, ჰიპოთერმიის შემთხვევის მართვა; ცხოველების ნაკბენების მართვა.

კვირა:

ლოკაცია:

მესტია, ბაკურიანი, გოდერძი

სწავლების მეთოდი:

ლექცია პრობლების დასმით, დემონსტრირება, ინსტრუქტაჟი, პრაქტიკული მეცადინეობა

თემატიკა:

სათხილამურო გზებზე არსებული საფრთხეები და დაბრკოლებები, რელიეფიდან მომდინარე საფრთხეები, მეტეოროლოგიური პირობებიდან მომდინარე საფრთხეები, სხვა ტურისტებისგან მომდინარე საფრთხეები; ტურისტის ტექნიკური და ფიზიკური მომზადების დონის შეუსაბამობიდან მომდინარე საფრთხეები; სწორი აღჭურვილობის შერჩევა და მორგება.

კვირა:

ლოკაცია:

მესტია, ბაკურიანი, გოდერძი

სწავლების მეთოდი:

ინსტრუქტაჟი, დემონსტრირება, პრაქტიკული მეცადინეობა, პრაქტიკული სავარჯიშო

თემატიკა:

თხილამურებით სრიალის სწავლების ინდივიდუალური და ჯგუფური გეგმების შედგენა: განსხვავებები ინდივიდუალურ და ჯგუფური სწავლების მეთოდებში, მეთოდების შესაბამისი ვარჯიშების შერჩევა; სასწავლო პროცესისთვის ტურისტის აღნაგობის, ფიზიკური და ტექნიკური მომზადების დონის შესაბამისი აღჭურვილობის შერჩევა

კვირა:

ლოკაცია:

მესტია, ბაკურიანი, გოდერძი

სწავლების მეთოდი:

დემონსტრირება, პრაქტიკული სავარჯიშო, პრაქტიკული მეცადინეობა, ინსტრუქტაჟი

თემატიკა:

„მწვანე“ კატეგორიის გზებზე თხილამურებით სრიალის საერთო ენა (თეორია, პრაქტიკა): ძირითადი მოძრაობები (ტანის ბალანსირება, ტანის მოტრიალება, კანტის გამოყენება); მოძრაობის ცვლილება (დროის გადანაწილება, ამპლიტუდა, მიმართულება, დინამიკა); თხილამურების სახეობები და მათი ზეგავლენა სრიალის ტექნიკაზე (გამოყენებული მასალები, თხილამურის გეომეტრია, შეფარდება ადამიანის ფიზიკურ პარამეტრებთან, თხილამურის სახეობები თოვლის საფარის მიხედვით)

კვირა:

ლოკაცია:

მესტია, ბაკურიანი, გოდერძი

სწავლების მეთოდი:

შეფასება:

თხილამურებით სრიალის მასწავლებლის პროფესია; სათხილამურო გზებზე არსებული ინფრასტრუქტურა; სრიალის ოპტიმიზაციის სახელმძღვანელო; თხილამურებზე სრიალის სისტემატიზაცია.

მიღების წინაპირობები:

ასაკი: 18+
განათლება: საშუალო
სამუშაო გამოცდილება: თხილამურებით სრიალის სწავლების პრაქტიკული გამოცდილება, დადასტურებული სპორტული სათხილამურო სკოლის და/ან სხვა დამსაქმებლის მიერ (მინიმუმ 1 წელი)
კურსზე დაშვების საკონკურსო ტური: თხილამურებით სრიალის ტექნიკური უნარების შეფასება (“მწვანე” და „ლურჯი“ კატეგორიის სათხილამურო გზაზე გამართულად სრიალი)

აპლიკანტი/მსმენელი ვალდებულია პროგრამაზე დასასწრებად იქონიოს შემდეგი აღჭურვილობა:

კურსის შინაარსის შესაბამისი თხილამური, თხილამურის სამაგრი;
სათხილამურო წყალგაუმტარი ტანსაცმელი;
სათხილამურო ფეხსაცმელი;
სათხილამურო ჯოხები;
ჩაფხუტი;
მზის სათვალე;
ხელთათმანი

აპლიკანტთა შერჩევის ფორმა:
გასაუბრება-პროფესიის მოსინჯვის მეთოდით

სათვგადასავლო
ტურიზმის
სკოლა

„სათავგადასავლო ტურიზმის სკოლა“ დაარსდა 2016 წელს საქართველოს სამთო გამყოლთა ასოციაციის, განათლების სამინისტროსა და მთის ტრასების სააგენტოს მიერ. სრულად დაფინანსებულ საერთაშორისო სტანდარტების შესაბამის მრავალფეროვან პროგრამებს უძღვებიან მრავალწლიანი გამოცდილების მქონე ექსპერტები და აქ სწავლა თავისთავად განუმეორებელი თავგადასავალია. თქვენ თავისუფალი, შემოქმედებითი გარემო და დაუვიწყარი შეკრებები გელოდებათ. შედეგად კი ტურიზმის ყველაზე მზარდი, მოთხოვნადი და პერსპექტიული კარიერის სრულიად ახალ საფეხურზე გადახვალთ. შემოუერთდი თავგადასავალს!

პროგრამები ავტორიზებულია განათლების ხარისხის ეროვნული ცენტრის მიერ. მათ უძღვებიან სათავგადასავლო ტურიზმის სკოლის ექსპერტები - შესაბამის დარგში მრავალწლიანი გამოცდილების მქონე პრაქტიკოსი სერტიფიცირებული გამყოლები. სადიპლომო კურსებზე სწავლა ფინანსდება განათლების სამინისტროს ვაუჩერებით, ხოლო მოკლევადიანი სასერტიფიკატო პროგრამები უნარების სააგენტოს მომზადება-გადამზადების პროგრამის ფარგლებში.

2021 წლიდან სკოლის დიპლომირებულ სამთო გამყოლებს და GMGA წევრებს ენიჭებათ სამთო გამყოლთა ასოციაციების საერთაშორისო ფედერაციის (IFMGA) წევრობა და შეუძლიათ პროფესიული საქმიანობა კავშირის 25 ქვეყანაში. მთის ლიდერთა საერთაშორისო ასოციაციების კავშირში (UIMLA) გაწევრიანების პროცესი დაწყებულია საფეხმავლო გამყოლის პროგრამისთვისაც.

მეტის გაგება

გამყოლთა მარათონი

„მთა-მთა გამყოლთა მარათონი“ არის პირველი მასშტაბური სათავგადასავლო ღონისძიება ტურიზმის პროფესიონალებისთვის. 2024 წლის მაისში, 2 ქალი და 2 კაცი სერტიფიცირებული გამყოლისგან შემდგარი 5 გუნდი გაემგზავრება 7-დღიან ექსპედიციაში, გზად მათ უნდა გადალახონ გამოწვევები სხვადასხვა სათავგადასავლო დისციპლინებში, მოახდინონ საკვანძო პროფესიული საგამყოლო უნარების დემონსტრირება და წარმოაჩინონ საქართველოს საუკეთესო სათავგადასავლო აქტივობები.

მეტის გაგება