ოვერლენდ
ტურის გამყოლი

ოვერლენდ ტურის გამყოლი

პროფესიული გადამზადების პროგრამა

კურსზე მსმენელთა რაოდენობა:

20 მსმენელი: 10 ქალი / 10 კაცი

ხანგრძლივობა:

6 კვირა

ლოკაციები:

თბილისი, კახეთი, ფშავი, გუდაური, სტეფანწმინდა, დუშეთი

განმახორციელებელი პარტნიორები:

ტოიოტა

კავკასია

საქართველოს სამთო გამყოლთა საოციაცია

პროგრამის ღირებულება:

სწავლის საფასური დაფინანსებულია სახელმწიფოს მიერ. კურსზე ჩარიცხული მსმენელი ვალდებული იქნება დაფაროს საკუთრი ტრანსპორტირების, კვების და ცხოვრების ხარჯი; იქონიოს პირადი აღჭურვილობა.

პროგრამის შესახებ

პროგრამის მისიაა საქართველოში სათვადასავლო ტურიზმში პროფესიული განათლების პოპულარიზაცია, საგამყოლო ინდუსტრიაში ქალების ჩართულობის ხელშეწყობა, სერტიფიცირებული გამყოლების ცოდნის დიაპაზონის გაფართოება და უნარების გაძლიერება, რათა მათ შეძლონ ტურისტებისთვის წელიწადის ოთხივე სეზონის განმავლობაში მრავალფეროვანი მომსახურების შეთავაზება.

პროგრამის მთავარი მიზანია გადაამზადოს სათავგადასავლო ტურიზმის სერტიფიცირებული გამყოლები ოვერლენდ ტურ ოპერატორად - პროფესიონალად, რომელიც დაგეგმავს და ორგანიზებას გაუწევს სათავგადასავლო ტურებს და ექსპედიციებს მაღალი გამავლობის ავტომობილებით საქართველოს რთულად მისაღწევ რეგიონებში.

პროგრამის ფარგლებში მსმენელი შეისწავლის: ავტომობილის მომზადებას, მოვლას და შეკეთებას ოვერლენდ ტურზე; ავტომობილის მართვის ტექნიკას სხვადასხვა სირთულის და საფარის რელიეფზე; მრავალკომპონენტიანი სათავგადასავლო აქტვობების ტურების და ექსპდიციების ორგანიზებას.

პროგრამის ფარგლებში მსმენელები საკონკურსო-საგამოცდო დავალების სახით ორგანიზებას გაუწევენ სათავგადასავლო უნარების კონკურსს - „გამყოლთა მარათონი მთა-მთა“, რომლის დასკვნით ნაწილში ისინი განახორციელებენ პროგრამის განმავლობაში მიღებული ცოდნის და უნარების დემონსტრირებას.

ოვერლენდ ტურის გამყოლის პროგრამა ერთადერთი პროგრამაა, რომელზეც მიიღება 10 მამაკაცი და 10 ქალი, რაც განპირობებულია პრორამის დასკვნით ნაწილის - გამყოლთა მარათონის რეგლამენტით.

#გახდიოვერლენდერი

სწავლის შედეგები და თემატიკა

სწავლის შედეგი 1

შესავალი ოვერლენდ ტურიზმში

სწავლის შედეგი 2

ოვერლენდ ტურის ავტომობილების სპეციფიკაცია, ექსპლუატაცია და მოვლა

სწავლის შედეგი 3
ოვერლენდ ტურებზე ავტომობილით უსაფრთხოდ გადაადგილების ტექნიკა

სწავლის შედეგი 4
ოვერლენდ ტურის ოპერირება და გაძღოლა

სწავლის შედეგი 5
ოვერლენდ ექსპედიცია (გამყოლთა მარათონი)

კვირა:

I (40 საათი)

ლოკაცია:

თბილისი

სწავლების მეთოდი:

პრაქტიკული მეცადინეობა, სავარჯიშო, დემონსტრირება

თემატიკა:

ოვერლენდ ტურიზმი საქართველოში, ოვერლენდ ტურის ოპერატორის როლის მიმოხილვა, ნავიგაცია და მარშრუტის დაგეგმვა, ჯგუფის მენეჯმენტი და ტურის ორგანიზება, ოვერლენდ ტურის მართვა;

კვირა:

II (40 საათი)

ლოკაცია:

თბილისი, TOYOTA კავკასიის სასწავლო ცენტრი

სწავლების მეთოდი:

პრაქტიკული მეცადინეობა, სავარჯიშო, დემონსტრირება

თემატიკა:

ოვერლენდ ტურებზე გამოყენებული სხვადასხვა ტიპის ავტოსატრანსპორტო საშუალებები, ავტომობილის მომზადება საექსპედიციოდ, ოვერლენდ ავტომონილის საბაზისო ტექნიკური მომსახურება და პრობლემების მოგვარება; ავტომობილის შეკეთება ტურში;

კვირა:

III (40 საათი)

ლოკაცია:

თბილისის შემოგარენი, მთიულეთი, ყაზბეგი

სწავლების მეთოდი:

პრაქტიკული მეცადინეობა, სავარჯიშო, დემონსტრირება

თემატიკა:

უსაფრთხოების და საგანგებო სიტუაციების პროცედურები; გარემო და მასზე ზრუნვა; ჯგუფის დინამიკა და კომუნიკაცია; ინტერპრეტაცია და ჩართულობა; პრობლემების გადაჭრა; რისკების შეფასება და მართვა; კონვოიში გადაადგილება სხვადასხვა სირთულის და დანიშნულების გზებზე; ღამისსათევების და კვების ორგანიზება; ღამის პირობებში ორიენტირება და ნავიგაცია; ოვერლენდ ტურის ჯგუფის წევრების გაძღოლა სხვადასხვა სათავგადასავლო რელიეფზე დარგის შესაბამის ექსპერტის ხელმძღვანელობის ქვეშ.

კვირა:

IV, V (80 საათი)

ლოკაცია:

სასწავლო გარემო C

სწავლების მეთოდი:

პრაქტიკული მეცადინეობა, სავარჯიშო, დემონსტრირება

თემატიკა:

კვირა:

VI (40 საათი)

ლოკაცია:

თბილისი, კახეთი, ფშავი, გუდაური, სტეფანწმინდა, დუშეთი

სწავლების მეთოდი:

დემონსტრირება, პრაქტიკული დავალება

შეფასება:

ოვერლენდ ტურის დაგეგმვის, განხორციელების სრული ციკლის განხორციელება; სიმულაციური სამაშველო ოპერაციის ჩატარება; რთულ ოვერლენდ ტურზე სხვადასხვა სათავგადასავლო გარემოს წინააღმდეგობების დაძლევა - კონვოიში გადაადგილება, ღამისსათევების და კვების ორგანიზება, ღამის პირობებში ორიენტირება და ნავიგაცია, სკი-ტურის და თხილამურების მეშვეობით თოვლიანი ფერდების გავლა, სამაშველი ოპერაციის ჩატარება, საცხენოსნო, ჯომარდობის და ველოტურის ორგანიზება და განხორციელება.

მიღების წინაპირობები:

• მართვის მოწმობა;
• სათავგადასავლო ტურიზმის სკოლის დიპლომი და/ან სერტიფიკატი;
• ვალიდური პირველადი დახმარების სერტიფიკატი;

• პირადი აღჭურვილობა;

• ავტომობილის საბაზისო ტექნიკური მახასიათებლების ცოდნის თეორიული და პრაქტიკული ტესტი;
• გასაუბრება: მოტივაცია, პროფესიული გამოცდილება, კომუნიკაციური უნარები.

ოვერლენ ტურ გამყოლის პროგრამა მსმენელის აღჭურილობის ჩეკლისტი

გუნდური აღჭურვილობა

გუნდის ღამისთევის კარავი (კარვები). ერთი გუნდზე დაშვებულია მაქსიმუმ 2 კარავი;
საჩრდილობელი ტენტი
საველე სამზარეულო

გაზქურა
გაზის ბალონი
საკვების მოსამზადებელი სამარეულო ჭურჭელი
პირადი მოხმარების ჯამ-ჭურჭელი
ნაგვის პარკები

პირველადი დახმარების სამოგზაურო ჩანთა - სტანდარტული სეტი

ინდივიდუალური საკონკურსო აღჭურვილობა

1. საექსპედიციო აღჭურვილობა:

ზურგჩანთა
ტანსამლის და აღჭურვილობის სატარებელი ჩანთა (duffle bag)
სალაშქრო ფეხსაცმელი
საწვიმარი ქურთუკი
პონჩო
ტანსაცმელი
ხელთათმანები
კომპასი, პროგრამის რეგიონის რუკები და GPS
თავფანარი
სასიარულო ჯოხები (სურვილისამებრ)
პირველად დახმარების აფთიაქი
პირადი მედიკამენტები
მზისგან დამცავი საშუალებები:
მწერების საწინააღმდეგო საშუალება
მულტი-ტული ან დანა
სასტვენი
საძილე ტომარა და საძილე ლეიბი
ბანაკიის ფეხსაცმელი და ტანსაცმელი
საგანგებო თავშესაფარი (ბივიზაკი)
მობილური ტელეფონი და დამტენი:
საველე სამზარეულო: კომპაქტური საველე გაზქურა, გაზის ბალონი, მსუბუქი სამზარეულო ჭურჭელი ხანგრძლივი ლაშქრობის მნიშვნელოვანი ატრიბუტებია.
წყლის სატარებელი ჭურჭელი
მარშრუტზე სატარებელი სნეკი და ბანაკის საკვები
საკვების შესანახი კონტეინერები
სარეცხი საშუალებები
ნაგვის პარკები
ჰიგიენის ნივთები
ცეცხლის დასანთები საშუალებები
სათადარიგო ელემენტები
ბლოკნოტი და ფანქარი
პერსონალური იდენტიფიკაციის საშუალებები
სარემონტო კრებული
სამუშაო ხელთათმანები

2. სკიტურის აღჭურვილობა:

სკიტურის ფეხსაცმელი

თხილამური/სპლიტბორდი/თხილმარი (სურვილის და გამოცდილების მიხედვით), შესაბამისი სამაგრებით
თოვლზე სასიარულო ჯოხები
თხილამურის ქამოსი
საზვავე აღჭურვილობა - ნიჩაბი, ზონდი, ბიპერი.
სკიტურის შესაფერისი ტანსაცმელი

3. კლოდვანი მარშრუტების აღჭურვილობა:

ჩაფხუტი
დაცვის სისტემა 1 ც
თვითდაცვის რგოლები 120 სმ X 3 ც
ჩამკეტიანი კარაბინი 3 ც
თოკზე დაშვების ტექნიკური სისტემა 1 ც
დაცვის ტექნიკური სისტემა 1 ც
საცოცი ფეხსაცმელი

სათვგადასავლო
ტურიზმის
სკოლა

„სათავგადასავლო ტურიზმის სკოლა“ დაარსდა 2016 წელს საქართველოს სამთო გამყოლთა ასოციაციის, განათლების სამინისტროსა და მთის ტრასების სააგენტოს მიერ. სრულად დაფინანსებულ საერთაშორისო სტანდარტების შესაბამის მრავალფეროვან პროგრამებს უძღვებიან მრავალწლიანი გამოცდილების მქონე ექსპერტები და აქ სწავლა თავისთავად განუმეორებელი თავგადასავალია. თქვენ თავისუფალი, შემოქმედებითი გარემო და დაუვიწყარი შეკრებები გელოდებათ. შედეგად კი ტურიზმის ყველაზე მზარდი, მოთხოვნადი და პერსპექტიული კარიერის სრულიად ახალ საფეხურზე გადახვალთ. შემოუერთდი თავგადასავალს!

პროგრამები ავტორიზებულია განათლების ხარისხის ეროვნული ცენტრის მიერ. მათ უძღვებიან სათავგადასავლო ტურიზმის სკოლის ექსპერტები - შესაბამის დარგში მრავალწლიანი გამოცდილების მქონე პრაქტიკოსი სერტიფიცირებული გამყოლები. სადიპლომო კურსებზე სწავლა ფინანსდება განათლების სამინისტროს ვაუჩერებით, ხოლო მოკლევადიანი სასერტიფიკატო პროგრამები უნარების სააგენტოს მომზადება-გადამზადების პროგრამის ფარგლებში.

2021 წლიდან სკოლის დიპლომირებულ სამთო გამყოლებს და GMGA წევრებს ენიჭებათ სამთო გამყოლთა ასოციაციების საერთაშორისო ფედერაციის (IFMGA) წევრობა და შეუძლიათ პროფესიული საქმიანობა კავშირის 25 ქვეყანაში. მთის ლიდერთა საერთაშორისო ასოციაციების კავშირში (UIMLA) გაწევრიანების პროცესი დაწყებულია საფეხმავლო გამყოლის პროგრამისთვისაც.

მეტის გაგება

გამყოლთა მარათონი

„მთა-მთა გამყოლთა მარათონი“ არის პირველი მასშტაბური სათავგადასავლო ღონისძიება ტურიზმის პროფესიონალებისთვის. 2024 წლის მაისში, 2 ქალი და 2 კაცი სერტიფიცირებული გამყოლისგან შემდგარი 5 გუნდი გაემგზავრება 7-დღიან ექსპედიციაში, გზად მათ უნდა გადალახონ გამოწვევები სხვადასხვა სათავგადასავლო დისციპლინებში, მოახდინონ საკვანძო პროფესიული საგამყოლო უნარების დემონსტრირება და წარმოაჩინონ საქართველოს საუკეთესო სათავგადასავლო აქტივობები.

მეტის გაგება