ჩვენი მისიაა საქართველომ დაიმკვიდროს ადგილი სათავგადასავლო ტურიზმის გლობალურად აღიარებულ ქვეყნებს შორის, როგორც მიმართულებამ, რომელიც უზრუნველყოფს საუკეთესო გამოცდილებას მოგზაურებისთვის, აწვდის მათ საერთაშორისო სტანდარტების მომსახურებას, მაღალკვალიფიციური ადგილობრივი გამყოლების და ტურიზმის სპეციალისტების მეშვეობით.
 
ჩვენ ვიღწვით იმისთვის, რომ გავაძლიეროთ ახალგაზრდები, მივაწოდოთ მათ საინტერესო კარიერისთვის და მაღალშემოსავლიანი დასაქმებისთვის აუცილებელი ცოდნა, უნარები და შესაძლებლობები, რაც მნიშვნელოვნად გააუმჯობესებს არამხოლოდ უშუალოდ გამყოლების, არამედ მათი ოჯახების, თემის, რეგიონისა და მთელი ქვეყნის სოციალურ და ეკონომიკურ მდგომარეობას, ხელს შეუწყობს რეგიონებში სიღარიბის დაძლევისა და მიგრაციის შემცირებას.
 
ჩვენ გვჯერა, რომ ტურიზმი არის პოზიტიური ცვლილებების ძლიერი კატალიზატორი, რომელმაც უნდა უზრუნველყოს თანაბარი შესაძლებლობები, ღირსეული ანაზღაურება და საყოველთაო კეთილდღეობა.